牛头马面危站悬崖教登山安全,任何仁一家过圣诞

今日係平安夜,香港消防处喺facebook上载咗任何仁一家布置屋企,预备过圣诞嘅片段,祝「任何人圣诞快乐」,片入面仲有「小小任何仁」揭开蓝色面纱露出真面目,小朋友个样都好可爱㗎。

消防处找来牛头、马面危站悬崖宣传登山安全。facebook图片

其他报道:郑若骅祝大家平安喜乐

近年本港发生多宗行山意外被困、受伤甚至死亡个案,消防处吉祥物任何仁今次连同阴间神祇的牛头马面出动,提醒市民登山远足安全。不过任何仁的风头似乎被抢走,但网民纷纷将焦点放到「牛生」、「马生」身上。消防处在Facebook专页上上载图片,教路「任何仁行山。一定唔会行近高危位置。仲会特别留意警告牌嘅提示。行得正,企得正,影得靓
。」消防处又提醒,「事先计划好路线;留意天气变化;带充足装备;拣有明确路标嘅山径
;留意警告指示牌;唔好乱抄小径自行开路
;唔好乱闯密林山涧悬崖;唔好攀爬峭壁;勿做独行侠
」不过网民焦点就落在向任何仁招手「牛生」、「马生」身上,戏称「牛生,马生你哋都返入嚟先,好危险」、「如果唔听话行出去,牛生马生会接你,7日后先带你返屋企」、「山脚有罗兰姐,茶水站有孟婆汤」、「好明显呢张相任何仁已经跌死咗,係牛马生企喺入面叫返佢魂魄由崖下番返上嚟」、「都话郊外既牛係人扮架啦」。连渔护署的B仔都加入抽水,「安全行山要着合适嘅衫裤鞋袜呀!包住哂就任何仁都唔怕晒伤!」

Emily睇片见到任何仁屋企放咗好多圣诞装饰,佢哋一家人一齐布置圣诞树期间,圣诞老人揿钟放咗份圣诞礼物畀佢哋。「小小任何仁」喺片尾拆开放喺圣诞树下嘅礼物,发现入面原来係个灭火筒,就拎住佢嚟同大家讲多次「Merry
Christmas」。

网民纷纷指牛头马面抢晒任何仁镜。facebook图片

消防处就帮条片加上点样安全过圣诞嘅提示标籤,提醒大家临瞓或出街前,记得熄晒屋企嘅灯饰,可以用LED蜡烛代替传统蜡烛,最紧要係「#拖板唔好驳上驳」,咁就可以安全开心咁过圣诞喇。

除咗消防处同任何仁,天文台都应应节,送咗份圣诞礼物畀大家——推出咗一套「度天队长圣诞限定版」WhatsApp
Stickers,大家有兴建的话可以去呢度下载:

相关文章